专业咖啡知识交流 更多咖啡豆资讯 请关注咖啡工房（微信公众号cafe_style ）

深圳咖啡馆-懒人星球喺深圳咖啡店黎讲属于热门名单，长期排头几位，去过后我都觉得名副其实。 深圳有唔少呢类型位于高楼之中嘅咖啡店，除左之前去过一间位于石厦嘅【KONG】外，此店喺环境、食物质素方面都稍胜。 懒人星球位于卓越世纪中心，熟口熟面呢，正是位于卓越INTOWN商场旁边嘅商厦，靠近地铁岗厦或会展中心站。 卓越世纪中心分几座，此店属3号楼，地下嘅胜记旁边坐电梯上33楼便是。 有别于其他高空咖啡馆，日头系cafe，指11:30-19:30，供应咖啡、果茶，甜点。晚上会换成小酒吧风格，营业至凌晨，系截然不同嘅气氛。 分为两层，每层面积稍为狭小，但花左相当多心思去装潢，吧台位置有格调 书架、大玻璃窗，配合梳化位，坐得舒适。虽然唔属于靓景，至少景观辽阔。 星空 RMB¥28 以高空咖啡店而言，饮品唔算贵。其实系柚子梳打渐层饮品，唔少得会变色嘅蝶豆花成份。 梳打水比例唔多，唔会成肚气，味道无功无过。 草莓干酪慕斯 RMB¥43 当日都系卖剩一款，相对其他款式，造型较普通，幸好味道唔错，称用上较优质嘅材料，只好下次回访再试其他。 粉红色朱古力镜面厚薄适中，甜度稍高，里面层次唔算多，草莓慕丝搭配奶油干酪夹心，绵密软滑，干酪味香浓 其实同香港好多靓少少嘅连锁饼店质素差不多，价钱贵啲，不过食埋环境啰。 而最多人关心嘅，系2楼嘅设计，呢条楼梯都有唔少网美影相，轻松变两米长腿。 2楼分成6个小房间，其中三间系单人房，配备一张按摩椅，按时收费，RMB¥35/小时，不设低消。 另外三间属于小型房间，只有布帘，可容纳三至四人，日头低消满RMB¥150-160即可享用 （如果唔到低消又想坐房，需付RMB¥38服务费） 晚上系小酒吧形式，低消会较高，可自行查询店家。 房间方便合同朋友倾下计，坐足几粒钟够划算啊。我地平日黄昏前来，客人唔多，未知假日情况如何。 LazyPlanet懒人星球 地址：深圳海田路卓越世纪中心3号楼B座3317 （地铁岗厦/会展中心站）2022-05-18 10:09:43 很赞哦！